Neysla íslenskra ungmenna á koffíni hærri en í nokkru öðru Evrópulandi

 

Í október kom út skýrsla Matvælastofnunar sem unnin var í samstarfi við Rannsóknir og greiningu úr nýjustu Ungt fólk rannsókninni 2020 meðal nemenda í 8. – 10. bekk.

Áhættumatsnefnd hefur rannsakað að beiðni Matvælastofnunar hvort neysla orkudrykkja sem innihalda koffín hafi neikvæð áhrif á heilsu ungmenna í 8.-10. bekk. Niðurstaða nefndarinnar er að neysla íslenskra ungmenna sé töluvert meiri en sést hefur í fyrri rannsóknum og gefi tilefni til aðgerða til að lágmarka neyslu þeirra á orkudrykkjum sem innihalda koffín og fyrirbyggja neikvæð áhrif á heilsu þeirra.

Rás 2, sem tók málið til umfjöllunar, hefur jafnframt bent á að neysla
íslenskra ungmenna væri hærri en í nokkru öðru Evrópulandi og yfir viðmiðum
Evrópusambandsins um neyslu sem gefin er upp sem örugg fyrir fullorðna. Um 35% nemenda í 10. bekk á Íslandi drekka eina eða fleiri dósir á degi hverjum, þar af eru um 8% sem drekka tvær eða fleiri dósir daglega. 

Skýrsla MAST

Heilsufarsleg áhætta vegna neyslu íslenskra ungmenna í
8.-10. bekk á koffíni í drykkjarvörum.